الحلقة 2 | تعلم اللغة الألمانية

سكريبت الحلقة

S1.1.B

nach dem Namen fragen sich und andere mit Namen vorstellen

فيديو : أنا محمد صبري من سبريشين زي دويتش  .. أهلا وسهلا بيك .. الحلقة اللي فاتت كانت مليانة مشاكل

ماتنساش دايما إنك تعمل لايك لصفحتنا على الفيس بوك .. وسابسكرايب للشانيل بتاعة اليوتيوب .. وتسيب ميلك في البلوج عشان توصلك على الميل كل الفيديوهات الجديده أول بأول

أي تعليقات او اسئلة أو إقتراحات أو شكاوى أو أي حاجه تحب تقولهالى عن الحلقة دي .. بليز سيبهالي في كومنت على البوست ده في اللينك ده http://on.fb.me/p5CZMO .. وانا هارد عليك في الحلقة الجايه على طول في أقرب وقت

الحلقات حتى الآن مش هايبقى ليها ميعاد ثابت تنشر فيه .. لإن الإعداد وكتابة السكريبت والمونتاج بياخد وقت .. وأنا ظروفي متلخبطه شويتين ومش هاعرف أستقر على ميعاد محدد .. بس أقدر أقولك إن الحلقات هايبقى بينها فاصل إسبوع وده أكيد على الاقل حتى الآن

أحب طبعا أسمع في كل حلقة ايه اللي عجبك في الحلقة دي .. وليه .. وايه اللي مش عجبك فيها .. عشان نغيره ونزبطه أو نعدله

فيديو : انا اسمي محمد صبري .. ملاحظ النهارده إني فرحان بإسمي كده ومن أول الحلقة وأنا عمال أقولك إسمي كده .. أصل الحلقة النهارده إسمها .. إيش هايسى .. ! .. يعني .. أنا إسمي فلان .. صحيح دي مش الطريقة الوحيده اللي أقدر اقول بيها إسمك .. وإحنا هانقدر نتعلم النهارده الطرق المختلفه لإزاي تقول إسمك .. ياللا بينا نبدأ بلعبه كده .. نروق بيها الجو كده

صوت : فير ساجت داس ؟ مين اللي بيقول كده ؟ .. أوردينين زي تزو .. رتب الجمل على الصور دي .. ياللا بينا .. مين اللي بيقول .. تييييمو داس ايست كوكو ؟!! .. شتيمت دا الراجل التالت اللي احنا مش فاكرين اسمه ده .. طيب .. إيش بين كوكو .. إيش بين كوكو .. شتيمت .. ده كوكو .. يبقى مين بقى إيش هايسى تيمووووو ؟ .. صح كده تيمو

صوت : هورين زي .. أوند شبريشين زي دان ميت إيرين نامى .. إسمع .. وهانبقى نردد الكلام بعدين .. ياللا نسمع

صوتيات رقم 12 .. كتاب الدروس

صوت : بعد الحوار اللي سمعناه النهارده ده .. أكيد طبعا إنت فاهم إنهم بيرحبوا بالضيف الجديد .. وكلهم بيتعارفوا على بعض .. بالإسم والشخصية .. يعني تيجي نقرا الكلام ده كله تاني من اول وجديد .. بس هاتردد ورايا .. وده المفروض إنك بتعمله من اول حصة زي ما إتفقنا .. .. جميل .. وهنا هاناخد الحقنه بتاعة النهارده ونخلص منها بسرعه .. ياللا بينا .. عشان تعرف إسم واحد يبقى لازم تسأله إسمك ايه .. وده بيتقال بالألماني بطريقتين .. في هايسين زي ؟ إسم حضرتك ايه ؟ .. أو فير سيند زي ؟ من انت ؟ .. وطبعا كل واحد ليه إجابته .. يعني لما حد يسألك في هايسين زي ؟ .. أجاوب عليه وأقوله .. إيش هايسى .. فلان .. أو فير سيند زي ؟ .. يبقى أقوله إيش بين .. فلان

هانعرف نحفظ الكلميتن دول بس ؟ .. دلوقتي على الاقل .. حاول دلوقتي .. إنك تعمل بوز للفيديو .. وتردد الكلميتن دول ييجي عشرين مره كده ولا حاجه هههههههه

تعالوا بقى نلعب شويتين .. شايفين الصور دي ؟ .. هات واحد صاحبك معاك .. وإعمل معاه الحوار ده .. فير ايست داس ؟ .. وهو يقول .. داس ايست .. .. فإنت تقوله .. يا .. شتيمت .. يعني صح مظبوط

أو ممكن تعمل ماه الحوار ده .. فيرد عليك ويقولك .. إيش فايس إيس نيشت .. يعني انا ما أعرفش

وطبعا دي الكلمة الرسمية في معظم إمتحاناتنا .. يبقى لازم نحفظ الكلمة الزياده دي كويس أوي .. ياللا إبدأ اللعب

الجزء التاني من الحلقة

وبعد ما خلصنا

فيديو : زمانك كرهت نفسك .. الحصة النهارده تقيله شوية .. بس أكيد إنت مش مستني إن الحلقات هاتبقى كلها سهله ..

مش هانسى طبعا أشكركم على متابعتكم لينا .. على اليوتيوب والفيس .. وسؤالكم عنا وعلى الحلقات .. وعلى الرقم الجميل اللي وصلنا ليه على الصفحة .. وعلى عدد زيارات الموقع .. وعلى حاجات تانيه كتيره أوي بصراحة .. في ناس بعينها عارفين نفسهم ليهم شكر خاص على دفعي وتحميسي للمتابعة .. وناس تانيه لازم تسابسكرايب قناة اليوتيوب .. لايك صفحتنا على الفيس بوك .. تبعت أي تويت بهاش #SSDCourse

إي إستفسار أو سؤال أو تعقيب أو تصحيح أو حابب إنك تتواصل معانا .. وسيلتنا الوحيدة دلوقتي هيا صفحتنا على الفيس بوك بشكلها الجديد اللي الناس كارهاه .. هاتلاقي زرار إسمه Message على اليمين تحت الصورة هنا كده بالزبط أهو .. إبعتلي من عليه أي حاجه وكل حاجه .. وانا هارد عليك بالطببببببببع .. إن شاء الله

Bin Mohamed Sabry .. Vieeeeeeeeeeeeeeelen Dank .. & bleiben Sie bitte .. .. .. .. bei uns !!

Read More

الحلقة 1 | تعلم الألمانية بالعربية

http://www.youtube.com/watch?v=44JHB_0aMwI

سكريبت الحلقة رقم 1

S1.1.A

jemanden begrüßen, sich verabschieden

فيديو : هاي صباح الخير على الكل .. طبعا أكيد بتلف زي حالاتي على النت .. موقع موقع .. بيج بيج .. جروب جروب .. فيديو فيديو .. ههههههه .. بتدور على حد او حاجه تعلمك اللغة الخرافية دي بالعربي .. أو حتى بالإنجليزي بس يبقى في حد مثلا معاك يعني ياخد بإيدك .. ويمشي معاك خطوه خطوه .. وعشان انا تعبت زيك بالزبط .. حاولت أعمل الحلقات دي .. على قد ما أقدر وعلى قد وقتي .. هاحاول اني أتاوصل معاكوا على الأربع طرق المتاحه .. الشانيل بتاعتنا على اليوتيوب .. وصفحة الفيس بوك .. وهاش تاج التويتر .. وطبعا طبعا طبعا البلوج العظيمة بتاعتي !! ههههههه

ليه البرنامج بتاعي ؟ .. أقولك أنا ليه

عشان انا بقدملك كل المطلوب على الشاشه .. وأون لاين

يعني الكتاب والصوتيات وترجمة الكلمات والتدريبات واللعب والفيديوهات والأغاني وكل حاجه ممكن تحتاجها لتعلم اللغة الألمانية

عشان الحلقات دي على اليوتيوب وتقدر تتفرج عليها في أي حته وفي أي مكان

يعني ممكن تكون زهقان في المستشفى والنبطشية ممله جدا أو مثلا إنت في فسحة المدرسة ومش لاقي حاجه تسليك أو يمكن المحاضرة دمها ثقيييييل وعاوز تتعلم بجد .. أو حتى ممكن تكون في بيتك وفاضي

عشان الحلقات دي ماشية بنظام .. وترتيب

يعني الكتب اللي هاستخدما كلها معتمده من معهد جوتة والترتيب اللي هانمشي عليه سوا هو ترتيب إمتحان شهادة اللغة المعتمدة في ألمانيا

عشان طبعا الحلقات دي .. ببلاااااااااااااااش .. حتى الآن يعني

فيديو : وزي ما إنتوا شايفين وملاحظين .. إن الإخراج أكتر من رائع طبعا .. والإمكانيات رهيبه جدا .. ومعلش إعذروني في الووترمارك .. وفي الإسلوب الرديء .. ولكن انا من موقفي هذا .. أعلن عن توظيف حد يكون بيشتغل بالأفتر إيفيكت .. وحد يكون بيشتغل كويس على الفوتوشوب .. وواحد تالت للمؤثرات الصوتية .. وطبعا كل الوظائف دي .. ببلاش .. يعني من غير مرتب .. يعني عمل تطوعي .. وممكن نقول عليه عمل .. دعائي .. للي هايشتغلوا معانا هايتكتب أساميهم طبعا على الكريدتز في كل حلقة طبعا

فيديو : حلقات البرنامج هاتبقى أقرب لحصص الثانوية العامة .. كتاب ومدرس وواجب وشوية لعب بس طبعا بحماس وأكشن أكتر من كده بكتييييييييير .. وهاتشوفوا ان شاء الله .. مش عايز منك اي حاجه غير ورقة وقلم .. وسيب الباقي علينا بإذن الله .. بس الورقة والقلم كل حلقة هاتبقى تلات أجزاء

الجزء الاول دايما هايكون شرح الحصة الجديده مع التدريبات اللي عليها طبعا والجزء التاني هايبقى دايما إنترأكشن .. يعني مره أغنية .. ومره اخبار .. ومرة لعبة أو برنامج .. أي حاجه بالألماني يعني والجزء التالت دايما هايبقى إمتحاااااااااااااااااااان .. إمتحان على الحلقة اللي فاتت

أتمنى طبعا الإنترأكشن أتمنى يكون عالي مكنو .. يعني بصرراحه انا طالب منكوا دايما كل مره تلال حاجات .. هههههههه برضه :

1.   لما تدوس على زرار تشغيل الفيديو .. إوعى تدوس على زرار التوقيف أبدا .. وحاول تركز في الحصة .. وتعتبرها فعلا حصة حقيقية .. ومدرس حقيقي .. يعني تقفل موبايلك .. وتحط سماعات على ودانك .. وتركز في المحاضره تماما .. وتتفرج على الحلقة أول مره دايما بنفس النظام .. كلها مره واحده على بعضها كده .. بعد كده ممكن تعيد الحلقات اللي انت عاوزها زي ما انت محتاج او عايز براحتك يعني

2.   الحاجه التانيه اللي بطلبها منك هو إني لما اطلب منك حاجه .. تعملها .. يعني لما أطلب منك انك تسمع حاجه .. تركز في سماعها .. لما اطلب منك إنك تحل حاجه يبقى تفكر فيها وتحاول تحلها .. يعني حاول تكون نشيط معايا بجد .. مش ورا الشاشه وخلاص

3.   الحاجة التالته المهمه دايما في حلقاتنا هيا انك لازم تحرك لسانك .. اتكلم ألماني .. اللي تسمعه رددو .. اللي تسمعوا ولو حتى انت مش فاهمه قولو بصوتك .. حرك لسانك .. اتكلم .. ودي أهم نقطه

فيديو : أنا طولت عليكو في المقدمة .. بس كل الكلام ده مش هايتكرر تاني ابدا .. وخلونا نبدأ بقى في الحلقة الأولى من أول كتاب .. من اول ليفل عندنا .. إحنا هانستخدم سلسة كتب إسمها شريت من دار هويبر .. اللي هيا دار النشر الوحيده المعتمدة في معاهد جوتة .. المعاهد الوحيده على مستوى الوطن العربي كله اللي بتدي شهادة الـZD .. أو الشهادات الأعلى منها .. ومن خلال الكورس هاتتعرف على مراحل اللغة الألمانية في المعهد .. ومراحل اللغة حسب التقسيم الاوربي الرسمي المعتمد .. وهاقولك بالطبع كل شوية إحنا واصلين لحد اي ليفل بالتحديد .. بحيث انك ممكن تخلص معانا الحلقات لحد مستوى معين وتروح تمتحن إمتحانك هناك في المعهد .. وهكذا .. الكتب دي 6 كتب بالتحديد .. وإحنا هانبدأ في أول كتاب إنهادره إن شاء الله .. وطبعا ولا يهمك .. كل الورق والصوتيات والفيديوهات عندنا .. مش محتاج تنزل أي حاجه أو تعمل اي حاجه غير إنك تحط السماعات على ودانك .. ورقتك في إيدك .. وقلمك في إيدك التانيه .. والتلات نصايح إياها في دماغك .

صوت : شايف الصور دي ؟ .. سيهن زي دي فوتوز آن ؟ .. فاز ماينين زي ؟ .. و فاز باسييريت ؟ .. ايه اللي بيجرى في الصور ؟ .. من واحد لتمانيه ؟ .. إتكلم .. وقول بصوت عالى .. شبريشين زي ان ايري شبراخى .. قول اللي بيحصل بلغتك .. هاسيبك ثواني تفكر وتقول اللي بيحصل بصوت عالي .. اوك ؟ .. ياللا .. رقم اتنين .. سيهين زي دي فوتوز آن اوند هورين زي .. اتفرج على الصور .. وإسمع معانا .. ياللا بينا نسمع الحوار ده

صوتيات من 2 لغاية 9 .. كتاب الدروس

صوت : ايه رأيك في الالماني ؟ .. فهمت حاجه ؟ .. صعب ؟ .. أظن ان الموضوع مش محتاج كل المجهود اللي احنا خايفين منه اهو .. إجنا في اول حصه وفي أول كلمتين نسمعهم باللغه الغريبه علينا دي .. فهمنا تقريبا معظم الكلام مش كده ؟ .. اوك .. وأثبتلك كمان ؟ .. اوك .. فاز ايست داس ؟ .. مين ده ؟ .. داس ايست .. ؟ مين ؟ .. اوند داس ايست .. ؟ مين ؟ .. أوند داس ايت .. ؟ مين ؟ .. تمام صح كده .. لأ وكمان برضه .. فير ساجت داس ؟ .. مين اللي بيقول ده !! .. تيجي نرتب الجمل دي ؟ .. على حسب اللي سمعته في الصوتيات من شويه .. اوك ؟ .. اوك .. ياللا بينا .. جوتين تاج ؟ .. مين فيهم ؟ .. ايش كوما أوس فينلاند .. مين فيهم ؟ .. ايش شبريشى فينيش اوند اينجليش اوند أين بيزتشين دويتش .. مين فيهم اللي قال الجمله دي ؟ .. شبريشين زي دويتش  .. مين اللي بيقول الجمله دي غيري ؟! ههههههههههه

صوت : النهارده هانتعلم التحيه والسلام .. التحية عند اللقاء .. والسلام عند الفراق .. ايه التمثيلية التركي اللي انا دخلت فيها دي !! ههههههه .. المهم .. آآ أينز .. جوتين تاج .. هاللو .. آآ أينز .. فير ساجت داس ؟ مين اللي قال ده .. هورين زي اوند اوردينين زي تزو .. إسمع ورتب .. ياللا بينا نسمع .. وماتنساش .. تقول وراهم الكلام .. مش هازهق اني أقولك الكلام ده

صوتيات رقم 10 .. كتاب الدروس

صوت : ياللا .. ايه الاخبار ؟ .. عرفت مين اللي قال الكلميتين دول ؟ .. جميل أوي .. ياللا بينا .. جوتين تاج ؟ يعني يوم سعيد  .. هاللو ؟ يعني مرحبا .. أوف فيدازيهين ؟ يعني اللي اللقاء .. تشوس .. يعني باي باي .. اوك .. كتبت ولا نقول تاني ؟ .. اكتب الأربع كلمات دول ياللا .. وترجمتهم .. وإحفظهم كويس

صوت : تاني لسه معاكم .. هورين زي اوند اوردينين زي تسو .. طبعا تلاقيكو لسه زهقانين من الجمله دي .. معناها اسمع ورتب .. ياللا بينا نسع .. وطبعا ماتنساش .. تنطق وراهم .. ياللا نسمع

صوتيات رقم 11 .. كتاب الدروس

صوت : ياالا بينا .. ومن غير ترجمه .. أول جملتين .. C .. تاني جملتين .. B .. تالت جملتين .. A .. أخر ورابع جملتين .. D .. يبقى نقدر ولغاية دلوقتي في أول حصه نقدر نقول اننا عند اللقاء .. عندنا وسائل للتحيه .. من اهمها .. جوتن .. و هاللو .. ونقدر نقول حسب التوقيتات .. جوتن مورجن أو تاج او ابند .. وعند الوداع .. نقدر نقول أوف فيدازيهن أو تشوس .. إنما جوتى ناخت لا تقال الا عند النوم .. يعني تصبح على خير .. أوك ؟

صوت : وعشان نعرف .. إمتى نقول ايه بعد جوتن .. تعالو نقرى أخر جزء من حصة الحلقة النهارده .. ياللا .. من 6 لـ 11 جوتن مورجن .. من 11 لـ 18 جوتن تاج .. ومن 18 وطالع بنقول دليما جوتن ابند .. ياللا بينا نتدرب .. اوك ؟ .. الساعه 6 .. بنقول ؟ .. طيب …. …. …. …. كمل انت بقى

الجزء التاني من الحلقة

صوت : هىي أوند هاللو .. فاس هورين زي ؟ سمعت ايه بالزبط ؟ .. كيروزين زي آن .. علّم على اللي سمعته لو سمحت .. ياللا نسمع

صوتيات رقم 2 .. كتاب التدريبات

صوت : يتزت .. هورين زي اوند شبريشن زي ناخ .. إسمع وإنطق وراه اللي هاتسمعه .. اوك ؟

صوتيات رقم 3 .. كتاب التدرييبات

صوت : ممكن تسمع التدريب ده تاني دلوقتي .. وتقولو وراه تاني ؟ .. اوك .. دلوقتي إيرجانزين زي .. كمل من الإختيارت دي .. دلوقتي وقف الفيديو .. وفكر في حل الجمل دي .. عند جدول .. التحيات .. والوداع .. حاول تكمل فوق النقط .. ايه الكلمه الصحيحه من الإختيارات اللي موجوده فوق دي  في التوقيتات المطلوبة بالتحديد .. ياللا .. حاول تفتكر وتجاوب صح .. . وبالورقه والقلم .. ياللا اعمل بووووز

صوت : فاس ساجن دي بيرسونين ؟ .. ايه اللي ممكن يقولوه الناس دول ؟ .. دول ؟ .. كمل واكتب الجمله الصحيحه

فيديو : دلوقتي إحنا خلصنا أول جزئين من الحلقة .. وطبعا إنت حاسس إنك ما إستفدتش حاجه .. عشان إنت مستني إني في أول حصة أقول الحروف الأبجدية والأرقام .. والحاجات الحلوه دي .. أفتكر أنا قلتلك اننا هانبقى أقرب للثانوية العامة مش الكي جي زيرو !! .. هههههههه .. الفكرة كلها .. وده هدف تاني من اهداف البرنامج .. هو حملك على التحدث باللغة الألمانية وإنك تجمد قلبك كده وتدخل في صلب الموضوع على طول .. خليك وثيق من الفووووز أمال .. وإحفظ الكلمتين اللي إتفقنا عليهم إنت بس

الجزء التالت من الحلقة

فاصل إعلاني : على فكرة إنت لو عايز شوية كتب ألماني جامدين جدا ممكن يساعدوك .. جرب البلوج بتاعتي دي .. دوس على الكلمه .. دوس يبني ما تخافش والله هاتوديك للبلوج على طول

فاصل إعلاني : البيج بتاعتنا على الفيس بوك فيها حاجات مفيده جدا .. وفيها كمان جماعة ألمان لزوم التعارف يعني .. ومنتدى عشان إسأل إستشير .. والوول مفتوح عشان لو عندك كتاب او برنامج او موقع ممكن كمان تشيره بسهوله .. وأنا هاعمله شير على الوول بره .. دوس على اللينك .. يبني دوس والله هايدويك هناك فورا

فاصل إعلاني : عاوز تتعلم ألماني ؟ بالعربي ؟ .. عشان الكورسات الحقيقية غاااالية جدا .. ومواعيدها زحمة جدا .. ده غير المواصلات .. والناس الغبيه اللي ممكن تكون معاك في الكورس ؟ .. إتعلم ألماني وإنت في بيت وببلاش .. بس دوس على كلمة سابسكرايب هنا أهو .. ماتدووووووس يا عم بقى

مش هانسى طبعا أشكركم على متابعتكم لينا .. على اليوتيوب والفيس .. وسؤالكم عنا وعلى الحلقات .. وعلى الرقم الجميل اللي وصلنا ليه على الصفحة .. وعلى عدد زيارات الموقع .. وعلى حاجات تانيه كتيره أوي بصراحة .. في ناس بعينها عارفين نفسهم ليهم شكر خاص على دفعي وتحميسي للمتابعة .. وناس تانيه لازم تسابسكرايب قناة اليوتيوب .. لايك صفحتنا على الفيس بوك .. تبعت أي تويت بهاش #SSDCourse

إي إستفسار أو سؤال أو تعقيب أو تصحيح أو حابب إنك تتواصل معانا .. وسيلتنا الوحيدة دلوقتي هيا صفحتنا على الفيس بوك بشكلها الجديد اللي الناس كارهاه .. هاتلاقي زرار إسمه Message على اليمين تحت الصورة هنا كده بالزبط أهو .. إبعتلي من عليه أي حاجه وكل حاجه .. وانا هارد عليك بالطببببببببع .. إن شاء الله

Bin Mohamed Sabry .. Vieeeeeeeeeeeeeeelen Dank .. & bleiben Sie bitte .. .. .. .. bei uns !!

Read More